ДЗЯРЖОРГАНЫДЗЯРЖОРГАНЫ
Флаг Серада, 6 ліпеня 2022
Мінск +17°C
Усе навіны
Усе навіны
У свеце
14 красавіка 2022, 15:50

Рахункі за электраэнергію прымусілі эстонцаў вярнуцца да пячнога ацяплення: цэны на дровы выраслі ўдвая

14 красавіка, Мінск /Кар. БЕЛТА/. У Эстоніі кошт дроў за год вырас у два разы, піша газета Maaleht.

Як адзначае выданне, калі мінулай восенню кубаметр колатых альховых дроў можна было купіць за 40 еўра, то цяпер за такі ж аб'ём давядзецца заплаціць не менш як 85 еўра. Да такога рэзкага скачку цэн прывяло не толькі падаражанне трактарнага паліва і гаручага для бензапіл, але і вялікія рахункі за электраэнергію, якія прымусілі людзей вярнуцца да ацяплення дамоў пры дапамозе печаў.

"У бягучым годзе цікавасць да куплі дроў значна вырасла", - падкрэсліў Улвар Каубі, кіраўнік аддзела маркетынгу драўніны RMK. - Для атрымання цяпла ў доме людзі стараюцца спажываць менш электраэнергіі, а часцей выкарыстоўваць дровы".

Праблема ў тым, што патокі драўніны з усходу на захад скарачаюцца, і кампаніі шукаюць альтэрнатыўныя крыніцы сыравіны, адзначае выданне. "Вытворцы цяпла і электраэнергіі таксама пачалі запасацца дровамі, каб станцыі не спыняліся. Усё гэта выклікала стрэс на рынку і справакавала рост цэн", - сказаў Каубі.

Як паведамляе эстонскае грамадскае вяшчанне Rus.Err, на рынку паліўных гранул таксама адбыліся змяненні: паколькі закупачная цана на драўніну істотна вырасла, то за год на трэць павялічыўся і кошт гатовай прадукцыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі