17 чэрвеня, Масква /Эдуард Півавар - БЕЛТА/. Заходнія санкцыі могуць закрануць любую дзяржаву, у тым ліку і членаў ЕС. Аб гэтым заявіў прэзідэнт Расіі Уладзімір Пуцін сёння на пленарным пасяджэнні Пецярбургскага міжнароднага эканамічнага форуму, паведамляе БЕЛТА.
Уладзімір Пуцін канстатаваў, што санкцыйная палітыка мае двухбакованебяспечны характар, яна наносіць супастаўны, а можа і большы ўрон самім яе ідэолагам. "Размова не толькі пра бягучыя відавочныя наступствы, - адзначыў ён. - Нам вядома, што сярод лідараў еўрапейскіх краін на ўзроўні нефармальных размоў, што называецца, цішком, абмяркоўваюцца вельмі трывожныя перспектывы, што санкцыі могуць быць прыменены не толькі супраць Расіі, але і супраць любой непажаданай дзяржавы, рана ці позна могуць закрануць кожнага, уключаючы саміх членаў Еўрасаюза і еўрапейскіх кампаній".
"Пакуль да гэтага справа не дайшла, але еўрапейскія палітыкі ўжо нанеслі сваёй эканоміцы сур'ёзны ўдар. Самі гэта зрабілі, сваімі рукамі", - падкрэсліў прэзідэнт Расіі.-0-
