Уладзімір Пуцін. Фота прэс-службы прэзідэнта РФ
7 чэрвеня, Мінск /Кар. БЕЛТА/. Расійскі прэзідэнт Уладзімір Пуцін заявіў, што імклівае павышэнне цэн у краіне ўдалося спыніць. Аб гэтым ён заявіў у час нарады па эканамічных пытаннях, паведамляе ТАСС.
Паводле слоў Пуціна, у канцы мінулага месяца ўзровень гадавой інфляцыі дасягнуў 17,4 працэнта. Пры гэтым у другой палавіне мая рост цэн быў спынены. "Цяпер інфляцыя знаходзіцца на нулявой адзнацы", - заявіў Пуцін. Ён дадаў, што валютны рынак краіны таксама застаецца стабільным.
У цэлым Пуцін адзначыў, што такая сітуацыя пазітыўная для краіны, аднак у ёй ёсць і пэўныя мінусы. Таму ўраду неабходна сур'ёзна падыходзіць да аналізу працэсаў, што адбываюцца ў эканоміцы.-0-
