27 мая, Мінск /Кар. БЕЛТА/. Расійская Федэрацыя гатова дапамагчы з пераадоленнем харчовага крызісу ў свеце пасля таго, як Захад адменіць антырасійскія санкцыі. Аб гэтым заявіў прэзідэнт Расіі Уладзімір Пуцін у час размовы з кіраўніком урада Італіі Марыа Драгі, паведамляе ТАСС.
"Уладзімір Пуцін акцэнтаваў, што РФ гатова ўнесці свой важкі ўклад у пераадоленне харчовага крызісу за кошт экспарту збожжа і ўгнаенняў пры ўмове зняцця палітычна матываваных абмежаванняў з боку Захаду", - паведаміла прэс-служба Крамля.
У час размовы Пуцін і Драгі абмеркавалі сітуацыю з пастаўкамі прадуктаў харчавання. У прыватнасці, расійскі лідар адзначыў, што цяжкасці з экспартам харчовых тавараў з Расіі выкліканы перабоямі ў ланцужках паставак. Таксама сваю лепту ўнеслі санкцыйныя меры з боку Вашынгтона і Бруселя.
Уладзімір Пуцін расказаў італьянскаму прэм'еру аб сітуацыі ва Украіне, аб вяртанні да мірнага жыцця некаторых рэгіёнаў Данбаса, а таксама аб прыпыненні перагавораў па ўрэгуляванні сітуацыі па ініцыятыве Кіева.
Таксама ў час размовы была закранута тэма паставак газу. Пуцін пацвердзіў, што Расія прадоўжыць бесперабойныя пастаўкі блакітнага паліва ў Італію ў адпаведнасці з умовамі кантракта.-0-
