Уладзімір Пуцін. Фота photo-summit.brics-russia2024.ru
23 кастрычніка, Мінск /Кар. БЕЛТА/. Расійская Федэрацыя ў час свайго старшынства ў БРІКС прыкладала намаганні ў рабоце па трох асноўных напрамках супрацоўніцтва. Аб гэтым заявіў прэзідэнт РФ Уладзімір Пуцін на пасяджэнні саміту ў вузкім складзе, перадае РІА Навіны.
"Мы імкнуліся да таго, каб умацаваць аўтарытэт БРІКС, павысіць яго ролю ў сусветных справах, у вырашэнні надзённых глабальных і рэгіянальных праблем, усяляк садзейнічалі паглыбленню шматпланавага супрацоўніцтва нашых дзяржаў па трох магістральных напрамках: у палітыцы і бяспецы, эканоміцы і фінансах, культурных і гуманітарных кантактах", - сказаў Пуцін.
Таксама ён сказаў, што рабілася шмат крокаў, каб забяспечыць плаўную і максімальна поўную інтэграцыю новых членаў аб'яднання ў дзейнасць БРІКС.
"Краіны, якія ўдзельнічаюць у саміце, не на словах, а на справе праяўляюць адказнасць за стан спраў у свеце, выступаюць за роўнасць, добрасуседства і ўзаемную павагу", - сказаў расійскі лідар. "У гэтым сутнасць стратэгіі курсу БРІКС на глабальнай арэне, які адпавядае спадзяванням асноўнай часткі міжнароднай супольнасці - так званай сусветнай большасці. І менавіта такі курс асабліва запатрабаваны ў цяперашніх умовах, калі ў свеце адбываюцца сапраўды кардынальныя змены", - дадаў ён.
Не менш важным пытаннем Пуцін назваў далейшае пашырэнне аб'яднання. Аднак, паводле яго слоў, тут неабходна захаваць баланс і не дапусціць зніжэння эфектыўнасці аб'яднання.
Прэзідэнт РФ нагадаў, што на саміце БРІКС у ПАР у мінулым годзе ўдзельнікі дамовіліся распрацаваць мадальнасці і катэгорыі дзяржаў - партнёраў аб'яднання і сфарміраваць спіс прэтэндэнтаў на такі статус. Гэтыя рашэнні важна зафіксаваць у падагульняючай Казанскай дэкларацыі.
Саміт БРІКС праходзіць у расійскай Казані па 24 кастрычніка. У мерапрыемстве прымаюць удзел прадстаўнікі 36 краін і шасці міжнародных арганізацый, у тым ліку ў Казань прыбыў Генеральны сакратар ААН Антоніу Гутэрыш. Як паведамлялі ў Крамлі, прэзідэнт РФ Уладзімір Пуцін абмяркуе з Гутэрышам на палях БРІКС работу ААН, блізкаўсходні крызіс і сітуацыю вакол Украіны. Па выніках саміту будзе прынята Казанская дэкларацыя, дзе будуць адлюстраваны падыходы краін-удзельніц па актуальных міжнародных праблемах і далейшым развіцці БРІКС.
1 студзеня 2024 года пачалося гадавое старшынства Расіі ў арганізацыі, якое праходзіць пад дэвізам умацавання шматбаковасці для справядлівага глабальнага развіцця і бяспекі.-0-
"Мы імкнуліся да таго, каб умацаваць аўтарытэт БРІКС, павысіць яго ролю ў сусветных справах, у вырашэнні надзённых глабальных і рэгіянальных праблем, усяляк садзейнічалі паглыбленню шматпланавага супрацоўніцтва нашых дзяржаў па трох магістральных напрамках: у палітыцы і бяспецы, эканоміцы і фінансах, культурных і гуманітарных кантактах", - сказаў Пуцін.
Таксама ён сказаў, што рабілася шмат крокаў, каб забяспечыць плаўную і максімальна поўную інтэграцыю новых членаў аб'яднання ў дзейнасць БРІКС.
"Краіны, якія ўдзельнічаюць у саміце, не на словах, а на справе праяўляюць адказнасць за стан спраў у свеце, выступаюць за роўнасць, добрасуседства і ўзаемную павагу", - сказаў расійскі лідар. "У гэтым сутнасць стратэгіі курсу БРІКС на глабальнай арэне, які адпавядае спадзяванням асноўнай часткі міжнароднай супольнасці - так званай сусветнай большасці. І менавіта такі курс асабліва запатрабаваны ў цяперашніх умовах, калі ў свеце адбываюцца сапраўды кардынальныя змены", - дадаў ён.
Не менш важным пытаннем Пуцін назваў далейшае пашырэнне аб'яднання. Аднак, паводле яго слоў, тут неабходна захаваць баланс і не дапусціць зніжэння эфектыўнасці аб'яднання.
Прэзідэнт РФ нагадаў, што на саміце БРІКС у ПАР у мінулым годзе ўдзельнікі дамовіліся распрацаваць мадальнасці і катэгорыі дзяржаў - партнёраў аб'яднання і сфарміраваць спіс прэтэндэнтаў на такі статус. Гэтыя рашэнні важна зафіксаваць у падагульняючай Казанскай дэкларацыі.
Саміт БРІКС праходзіць у расійскай Казані па 24 кастрычніка. У мерапрыемстве прымаюць удзел прадстаўнікі 36 краін і шасці міжнародных арганізацый, у тым ліку ў Казань прыбыў Генеральны сакратар ААН Антоніу Гутэрыш. Як паведамлялі ў Крамлі, прэзідэнт РФ Уладзімір Пуцін абмяркуе з Гутэрышам на палях БРІКС работу ААН, блізкаўсходні крызіс і сітуацыю вакол Украіны. Па выніках саміту будзе прынята Казанская дэкларацыя, дзе будуць адлюстраваны падыходы краін-удзельніц па актуальных міжнародных праблемах і далейшым развіцці БРІКС.
1 студзеня 2024 года пачалося гадавое старшынства Расіі ў арганізацыі, якое праходзіць пад дэвізам умацавання шматбаковасці для справядлівага глабальнага развіцця і бяспекі.-0-
Падпісвайцеся на нас у
