27 красавіка, Мінск /Кар. БЕЛТА/. Калі нехта збоку захоча ўмяшацца ў сітуацыю ва Украіне, то адказ будзе імгненным. Аб гэтым заявіў прэзідэнт Расіі Уладзімір Пуцін, паведамляе ТАСС.
Расійскі лідар дадаў, што Расія ў выпадку стварэння для яе пагрозы ў адказ выкарыстае тыя сродкі, якіх у яе апанентаў няма. Прэзідэнт РФ лічыць, што стаўка Захаду на неанацыстаў і русафобаў з'яўляецца новай геапалітычнай зброяй. На працягу доўгіх гадоў Захад ператварае суседнюю Украіну ў "анты-Расію".
Паводле слоў Уладзіміра Пуціна, Украіна стала проста расходным матэрыялам у барацьбе Захаду супраць Расіі. Колькасць замежных наёмнікаў у суседняй краіне расце штодзённа. Мінабароны Расіі ў хуткім часе прадставіць грамадскасці частку затрыманых замежных наёмнікаў.
Уладзімір Пуцін запэўніў, што ўсе задачы ваеннай спецаперацыі РФ будуць выкананы. Яе вынікі змогуць гарантаваць бяспеку і мір жыхарам ДНР, ЛНР, Крыма і Расіі.-0-
