10 мая, Мінск /Кар. БЕЛТА/. Расійскі лідар Уладзімір Пуцін ініцыяваў працэс дэнансацыі з боку Расіі Дагавора аб звычайных узброеных сілах у Еўропе (ДЗУСЕ), паведамляе ТАСС.
Пытанне адмовы Расіі ад ДЗУСЕ будзе вынесена на разгляд абедзвюх палат расійскага парламента. Пры гэтым афіцыйным прадстаўніком Пуціна ў працэсе дэнансацыі назначаны намеснік кіраўніка расійскага знешнепалітычнага ведамства Сяргей Рабкоў.
Падпісанне ДЗУСЕ адбылося ў 1990 годзе ў сталіцы Францыі. Праз сем гадоў пасля падпісання дакумент быў адаптаваны. Аднак дзяржавы, якія ўваходзяць у Паўночнаатлантычны альянс, адмовіліся ратыфікаваць адаптаваную версію. У выніку ў 2007 годзе Масква ўвяла мараторый на выкананне пунктаў дагавора.
З 2015 года Расійская Федэрацыя не ўдзельнічае ў пасяджэннях Сумеснай кансультатыўнай групы па ДЗУСЕ. Яе інтарэсы ў групе прадстаўляе Рэспубліка Беларусь.-0-
