25 мая, Масква /Эдуард Півавар - БЕЛТА/. Прэзідэнты Расіі і ЗША сустрэнуцца 16 чэрвеня ў Жэневе. Інфармацыя аб гэтым размешчана на сайце Крамля, паведамляе БЕЛТА.
"У адпаведнасці з дасягнутай дамоўленасцю прэзідэнт Расіі Уладзімір Пуцін правядзе 16 чэрвеня ў Жэневе перагаворы з прэзідэнтам ЗША Джозефам Байдэнам", - гаворыцца ў паведамленні.
"Плануецца абмеркаваць стан і перспектывы далейшага развіцця расійска-амерыканскіх адносін, праблематыку стратэгічнай стабільнасці, а таксама актуальныя пытанні міжнароднага парадку дня, уключаючы ўзаемадзеянне ў барацьбе з пандэміяй каранавіруса і ўрэгуляванне рэгіянальных канфліктаў", - адзначаецца на сайце Крамля.-0-
