ДЗЯРЖОРГАНЫДЗЯРЖОРГАНЫ
Флаг Нядзеля, 9 мая 2021
Мінск Воблачна з праясненнямі +3°C
Усе навіны
Усе навіны
У свеце
23 сакавіка 2021, 14:27

Пры сходзе лавіны ў Мурманскай вобласці загінула дзіця

Хібіны. Фота ТАСС
Хібіны. Фота ТАСС

23 сакавіка, Мінск /Кар. БЕЛТА/. Пры сходзе лавіны ў Мурманскай вобласці загінула дзяўчынка 2008 года нараджэння, паведамляе ТАСС са спасылкай на прэс-службу следчага ўпраўлення СК РФ па рэгіёне.

Вечарам 22 сакавіка лавіна сышла ў раёне ручая Манепахк. Пад завалам апынуліся трое падлеткаў, дваіх хутка дасталі, яны жывыя. Трэцяга падлетка, дзяўчынку, аб'явілі загінулай, над ёй праводзіліся рэанімацыйныя мерапрыемствы, але выратаваць не ўдалося. Узбуджана крымінальная справа па арт. 283 КК РФ (аказанне паслуг, якія не адпавядаюць патрабаванням бяспекі жыцця або здароўя спажыўцоў, што прывяло па неасцярожнасці да смерці чалавека).

Паводле ўдакладненых даных СК, у арганізаваную турыстычную групу з Санкт-Пецярбурга, якая аказалася ў раёне снежнага завалу, уваходзяць 13 дзяцей ва ўзросце ад 10 да 15 гадоў і трое дарослых. У Манчагорску арганізаваны штаб для каардынацыі выратавальнай аперацыі, для дзяцей падрыхтаваны месцы размяшчэння. Для аказання дапамогі, якая можа спатрэбіцца дзецям, мабілізаваны медыцынскія работнікі. У выратавальных работах задзейнічаны два эшалоны ратавальнікаў, першая група спецыялістаў прыбыла на месца сходу лавіны.

Як паведаміла прэс-служба абласнога глаўка МНС, выратавальны верталёт пакуль не змог прызямліцца ў месцы НЗ з-за рэльефу мясцовасці, таму ён паляцеў назад у Манчагорск. Рыхтуецца іншая выратавальная аперацыя. На месцы ўжо знаходзіцца першы аварыйна-выратавальны атрад з Манчагорска.-0

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі