Фота pixabay.com
13 мая, Мінск /Кар. БЕЛТА/. У выніку крушэння верталёта Мі-8 у Бранскай вобласці загінулі два чалавекі. Аб гэтым інфармуе ТАСС.
У экстранных службах паведамілі, што абломкі ўпаўшага судна знойдзены. У выніку крушэння верталёта ў населеным пункце Клінцы 13 мая загінулі два чалавекі. Паводле папярэдняй інфармацыі, прычынай катастрофы стала ўзгаранне рухавіка.
Намеснік губернатара Бранскай вобласці Андрэй Бардукоў паведаміў, што пацярпелых у горадзе Клінцы, згодна з папярэднімі данымі, няма.
Раней стала вядома, што 13 мая ў Бранскай вобласці таксама пацярпеў крушэнне знішчальнік Су-34. Абставіны гэтай катастрофы і лёс людзей, якія знаходзіліся на борце, устанаўліваюцца.-0-
