20 чэрвеня, Мінск /Кар. БЕЛТА/. У Калумбіі па выніках другога тура выбараў прэзідэнтам стаў 62-гадовы сенатар Густава Петра. За яго аддалі галасы 50,45 працэнта выбаршчыкаў, паведамляе ТАСС.
Густава Петра прадстаўляе левую кааліцыю "Гістарычны пакт". Такім чынам Калумбію ўпершыню ўзначаліць прадстаўнік левых сіл. Да гэтага палітык двойчы балаціраваўся на пасаду кіраўніка дзяржавы. У 2012-2015 гадах Петра быў мэрам сталіцы Калумбіі, з 2018-га стаў сенатарам.
З'яўляючыся кандыдатам, Густава Петра заявіў аб гатоўнасці аднавіць дыпламатычныя адносіны з Венесуэлай, разарваныя ў лютым 2019 года. Акрамя таго, ён прапануе скараціць выкарыстанне нафты і вугалю за кошт пераходу на больш экалагічна чыстыя крыніцы энергіі і знізіць падаткі для малога і сярэдняга бізнесу ў сельскай гаспадарцы. Палітык паабяцаў правесці рэформу паліцыі, змагацца з перавышэннем паўнамоцтваў праваахоўнікаў і пачаць дыялог з паўстанцкай групоўкай "Армія нацыянальнага вызвалення" для дасягнення пагаднення аб міры.-0-
