ДЗЯРЖОРГАНЫДЗЯРЖОРГАНЫ
Серада, 1 красавіка 2020
Мінск Суцэльная воблачнасць +2°C
Усе навіны
Усе навіны
У свеце
15 мая 2019, 13:51

Прэзідэнта Славакіі аштрафавалі на тры месячныя аклады

Андрэй Кіска. Фота   EPA
Андрэй Кіска. Фота EPA

15 мая, Мінск /Кар. БЕЛТА/. Дзеючы прэзідэнт Славакіі, доларавы мільянер Андрэй Кіска аштрафаваны на тры месячныя аклады за тое, што ўтаіў факт фінансавання сваёй перадвыбарнай кампаніі ў 2014 годзе са сродкаў прыналежнай яму кампаніі KTAG. Такое рашэнне вынес Камітэт Нацыянальнага савета Славакіі па выключэнні канфлікту інтарэсаў на дзяржаўных пасадах, паведамляе Славацкае радыё.

Паколькі штомесячны аклад кіраўніка дзяржавы складае 13 тыс. еўра, прэзідэнт павінен заплаціць у бюджэт 39 тыс. еўра. Ён аспрэчвае рашэнне парламенцкага камітэта і мае намер вынесці пытанне на разгляд Канстытуцыйнага суда.

Андрэй Кіска ўступіў на пасаду прэзідэнта 15 чэрвеня 2014 года і адразу ж адмовіўся ад акладу, пералічваючы яго бедным славацкім сем'ям. Праз месяц прэзідэнцкія паўнамоцтвы пяройдуць да адваката са славацкага горада Пезінак Зузаны Чапутавай, якая перамагла ў сакавіку на прэзідэнцкіх выбарах.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі