5 мая, Мінск /Кар. БЕЛТА/. Прэзідэнт ЗША Джо Байдэн няўдачна пажартаваў з паралімпійцаў у інвалідных калясках, паведамляюць РІА Навіны са спасылкай на трансляцыю, якая праводзілася на афіцыйным YouTube-канале Белага дома.
Інцыдэнт адбыўся 4 мая ў рэзідэнцыі прэзідэнта ЗША. Амерыканскі лідар з жонкай прымалі спартсменаў нацыянальнай алімпійскай зборнай, якія ўдзельнічалі ў летняй Алімпіядзе 2020 года ў Токіа і зімовай 2022-га ў Пекіне. У іх ліку былі і паралімпійцы ў інвалідных калясках.
У час сумеснага фота Джо Байдэн гучна папрасіў: "Не трэба скакаць!" Затым ён паказаў спартсменцы, якая стаяла побач, у якім баку знаходзіцца фатограф. У гэты момант гук на запісе быў часова адключаны.
Карыстальнікі сацсетак, куды адразу ж трапіў момант запісу з няўдачнымі жартамі, асудзілі некарэктныя заўвагі прэзідэнта ЗША, якія зневажаюць інвалідаў.-0-