ДЗЯРЖОРГАНЫДЗЯРЖОРГАНЫ
Флаг Аўторак, 4 кастрычніка 2022
Мінск +7°C
Усе навіны
Усе навіны
У свеце
11 ліпеня 2022, 11:29

Прэзідэнт Шры-Ланкі заявіў аб гатоўнасці пайсці ў адстаўку

Фота pexels
Фота pexels

11 ліпеня, Мінск /Кар. БЕЛТА/. Прэзідэнт Шры-Ланкі Гатабая Раджапакса заявіў аб гатоўнасці пайсці ў адстаўку. Аб гэтым ён праінфармаваў прэм'ер-міністра краіны Раніла Вікрамасінгхе, паведамляе ТАСС.

У краіне 9 ліпеня з новай сілай успыхнулі пратэсты. Узніклі беспарадкі, дэманстранты захапілі рэзідэнцыю прэзідэнта. У выніку пацярпелі больш за 100 чалавек. Гатабая Раджапакса заявіў, што пакіне сваю пасаду 13 ліпеня. Прычым месцазнаходжанне прэзідэнта да гэтага часу застаецца невядомым.

Раней аб намеры пакінуць пасаду заявіў прэм'ер Раніл Вікрамасінгхе.

Шры-Ланка сутыкнулася з мацнейшым крызісам. Людзі незадаволены пагаршэннем эканамічнай сітуацыі. Астраўная дзяржава зведвае сур'ёзную няхватку замежнай валюты, паліва і нафтапрадуктаў, угнаенняў, прадуктаў для асобных груп насельніцтва, медыкаментаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі