3 чэрвеня, Мінск /Кар. БЕЛТА/. Прэзідэнт Сенегала і старшыня Афрыканскага саюза Макі Саль заявіў аб неабходнасці зняць санкцыі на збожжа і ўгнаенні з Расіі. Аб гэтым ён заявіў пасля перагавораў з прэзідэнтам РФ Уладзімірам Пуціным у Сочы, паведамляе ТАСС.
Паводле слоў кіраўніка Сенегала, антырасійскія санкцыі могуць прывесці да харчовага крызісу ў Афрыцы.
"Санкцыі супраць Расіі ўскладнілі сітуацыю з пастаўкамі збожжавых і ўгнаенняў у краіны Афрыкі. У нас няма да іх доступу. І гэта выклікае наступствы з пункту гледжання харчовай бяспекі кантынента", - падкрэсліў Макі Саль, яшчэ раз заклікаўшы адмяніць дзеянне санкцый.-0-