24 кастрычніка, Мінск /Кар. БЕЛТА/. Прэзідэнт Казахстана Касым-Жамарт Такаеў зацвердзіў абноўленую Ваенную дактрыну краіны. Аб гэтым паведамляе Казінфарм.
Вядома, што ў дакуменце пазначаны сучасныя ўмовы і фактары, якія ўплываюць на бяспеку краіны. Акрамя таго, ён змяшчае новыя напрамкі дзейнасці ў ваенна-палітычнай і ваенна-стратэгічнай галінах, меры па сістэматызацыі прававых актаў у ваеннай сферы і ўвядзенне сістэмы ваеннага планавання.
Дакумент таксама прадугледжвае развіццё Сіл спецыяльных аперацый і пашырэнне іх узаемадзеяння з падраздзяленнямі спецпрызначэння іншых дзяржорганаў. Абноўленая Ваенная дактрына дае магчымасць павысіць ваенны патэнцыял рэспублікі для таго, каб адэкватна рэагаваць на ўзнікаючыя рызыкі і пагрозы.
Адзначаецца, што дакумент быў распрацаваны Міністэрствам абароны краіны сумесна з іншымі сілавымі структурамі, а таксама зацікаўленымі дзяржаўнымі органамі. Указ аб унясенні змяненняў у Ваенную дактрыну Казахстана ўжо ўступіў у законную сілу.
1 верасня лідар Казахстана ў пасланні да народа заяўляў аб неабходнасці абнаўлення Ваеннай дактрыны, адзначыўшы, што павышэнне аператыўнасці рэагавання на сучасныя выклікі і ўмацаванне абараназдольнасці павінны стаць прыярытэтам.-0-
