Сцяг Чацвер, 28 сакавіка 2024
Усе навіны
Усе навіны
У свеце
29 красавіка 2020, 16:32

Правілы намінацыі фільмаў на "Оскар" змянілі з-за пандэміі

29 красавіка, Мінск /Кар. БЕЛТА/. Амерыканская Акадэмія кінематаграфічных мастацтваў і навук з-за пандэміі COVID-19 змяніла правілы адбору фільмаў, якія будуць прэтэндаваць на прэмію "Оскар" у 2021 годзе. Да ўдзелу ў 93-й цырымоніі ўпершыню будуць дапушчаны карціны, якія паказваліся толькі анлайн, а не ў кінатэатрах, паведамляе нямецкая тэлерадыёкампанія Deutsche Welle.

Як удакладняе прэс-служба Акадэміі, да гэтага часу абавязковай умовай для ўдзелу ў конкурсе на прэмію "Оскар" быў паказ фільма ў адным з камерцыйных кінатэатраў акругі Лос-Анжэлес на працягу сямі дзён запар, як мінімум тры разы ў дзень. Аднак на фоне пандэміі з 16 сакавіка ўсе кінатэатры Лос-Анжэлеса былі закрыты. Менавіта таму арганізатары конкурсу прынялі рашэнне дапусціць да ўдзелу ў ім фільмы, якія былі прызначаны для прагляду ў кінатэатрах, але сталі даступны на камерцыйных стрымінгавых рэсурсах або серверах відэа.

Уладальнікі карцін, якія прэтэндуюць на "Оскар", павінны прадаставіць членам кінаакадэміі іх копіі для прагляду на спецыяльным абароненым сайце на працягу 60 дзён з дня выхаду фільмаў анлайн. Пры гэтым стужкі павінны адпавядаць усім іншым крытэрыям, неабходным для вылучэння на "Оскар". Выключэнне з правіл распаўсюджваецца толькі на конкурс 2021 года і будзе адменена ў той дзень, які вызначыць акадэмія, і калі кінатэатры зноў адкрыюцца ў адпаведнасці з федэральнымі, дзяржаўнымі і мясцовымі прадпісаннямі і крытэрыямі.

"Акадэмія пераканана, што не існуе лепшага спосабу адчуць чарадзейства кінафільма, як убачыць яго на экране кінатэатра. Наша перакананне наконт гэтага застаецца нязменным", - гаворыцца ў паведамленні.

93-я цырымонія ўручэння кінапрэміі "Оскар" павінна адбыцца 28 лютага 2021 года.-0-

Падпісвайцеся на нас у
Twitter
Топ-навіны
Свежыя навіны Беларусі