13 студзеня, Мінск /Кар. БЕЛТА/. Праваахоўнікі затрымалі ў Алматы амаль 2 тыс. чалавек за ўдзел у незаконных акцыях, марадзёрства і іншыя злачынствы. Аб гэтым паведаміў інфармцэнтр камендатуры Алматы, перадае ТАСС.
"Усяго затрыманы 1925 удзельнікаў незаконных акцый, марадзёрства і іншых злачынстваў. Канфіскавана 38 адзінак агнястрэльнай зброі і 1486 боепрыпасаў", - гаворыцца ў паведамленні.
У камендатуры таксама паведамілі, што былі "зачышчаны" жылыя масівы ў двух раёнах горада - Бастандыкскім і Турксібскім. Таксама за мінулыя суткі ў кол-цэнтр камендатуры ад грамадзян паступіла 215 сігналаў, якія патрабавалі аператыўнага рэагавання.-0-