Сцяг Субота, 20 красавіка 2024
Усе навіны
Усе навіны
У свеце
22 студзеня 2024, 13:00

Прафсаюз нямецкіх машыністаў аб’явіў аб новай працяглай забастоўцы

Фота з архіва
Фота з архіва
22 студзеня, Мінск /Кар. БЕЛТА/. Прафсаюз нямецкіх машыністаў (GDL) аб’явіў аб правядзенні новай агульнанацыянальнай забастоўкі, якая пагражае парушыць чыгуначныя зносіны ў краіне да 29 студзеня. Аб гэтым гаворыцца на сайце прафсаюза.

У паведамленні адзначаецца: сваёй новай прапановай канцэрн Deutsche Bahn дэманструе, што ў іх "і заваду няма жадання дасягнуць пагаднення". Таму прафсаюз заклікае сваіх членаў аб’явіць чарговую забастоўку.

У заяве GDL гаворыцца, што 23 студзеня ў 18.00 работу прыпыняць машыністы грузавых паяздоў. Затым з 02.00 24 студзеня да 18.00 29 студзеня да іх далучацца машыністы, якія кіруюць пасажырскімі саставамі.

Прычынай забастоўкі з’яўляецца канфлікт паміж канцэрнам Deutsche Bahn і GDL. Прафсаюз дабіваецца павышэння зарплаты машыністаў, а таксама скарачэння працягласці рабочага тыдня з 38 да 35 гадзін для шэрага супрацоўнікаў. Перагаворы бакоў праходзілі з лістапада 2023 года, але не мелі выніку.

На мінулым тыдні Deutsche Bahn зрабіў спробу прадухіліць новую забастоўку машыністаў і пайшоў на некаторыя ўступкі. Сярод прапаноў канцэрна: скарачэнне работы на адну гадзіну з 1 студзеня 2026 года, паэтапнае павышэнне зарплаты - на 4,8 працэнта са жніўня бягучага года і яшчэ на 5 працэнтаў з красавіка 2025 года. Але гэтыя прапановы не задаволілі прафсаюз.-0-
Падпісвайцеся на нас у
Twitter
Топ-навіны
Свежыя навіны Беларусі