10 снежня, Мінск /Кар. БЕЛТА/. Польскія актывісты, якія дапамагаюць бежанцам, а таксама жыхары пагранічча напісалі агульнае пісьмо кіраўніку Еўракамісіі, у якім яны раскрытыкавалі палітыку ЕС і свайго ўрада ў адносінах да бежанцаў. Аб гэтым паведамляе выданне Gazeta Wyborcza.
Раней, 1 снежня, Еўракамісія прапанавала Польшчы, Літве і Латвіі заканадаўча зацвердзіць часовыя прававыя меры ў сувязі з сітуацыяй на беларуска-польскай граніцы. Гэты дакумент прадугледжвае прадаўжэнне тэрміну рэгістрацыі заяў аб прадастаўленні прыстанішча і паскарэнне працэдуры дэпартацыі мігрантаў, якія прыехалі ў краіны ЕС нелегальна.
Неабыякавыя грамадзяне перакананы, што закон толькі пагоршыць становішча бежанцаў. "Нас бярэ жах ад таго, што праект, які парушае правы чалавека, павінен быць адобраны інстытутамі Еўрапейскага саюза", - гаворыцца ў пісьме.
Актывісты таксама запрасілі высокіх еўрачыноўнікаў прыехаць на беларуска-польскую граніцу і ацаніць рэальны стан спраў. Сярод тых, хто падпісаўся пад пісьмом, - грамадскія дзеячы, журналісты і радавыя грамадзяне.-0-
