3 чэрвеня, Мінск /Кар. БЕЛТА/. Польшча прадаўжае ўзводзіць сцяну ў Белавежскай пушчы ўздоўж беларуска-польскай граніцы. Намеснік міністра ўнутраных спраў Польшчы праінфармаваў, што на гэты час пабудавана каля 120 км загароды, паведамляе ТАСС.
"Мы ўжо маем 120 км сцяны на граніцы з Беларуссю", - напісаў намеснік міністра ўнутраных спраў Польшчы ў сваім акаўнце ў Twitter. Ён дадаў, заканчэнне работ плануецца на канец чэрвеня.
Польшча пачала ўзводзіць агароджу на граніцы ў канцы студзеня. Для гэтага былі прыцягнуты амаль 3 тыс. рабочых. Вышыня сцяны - 5,5 м, даўжыня ў выніку павінна скласці 187 км. Зверху над сцяной нацягваецца калючы дрот.
На думку польскіх улад, такая сцяна стане перашкодай для бежанцаў, якія захочуць трапіць у краіны Еўрасаюза праз польскую граніцу.
Будаўніцтва агароджы адбываецца на тэрыторыі Белавежскай пушчы, што выклікала абурэнне эколагаў па ўсім свеце. Стварэнне штучнай загароды з выкарыстаннем калючага дроту значна шкодзіць жывёльнаму свету пушчы. Беларускі бок раней не раз заяўляў аб фактах гібелі буйных млекакормячых з-за сцяны.-0-
