ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск Ясна +20°C
Усе навіны
Усе навіны
У свеце
17 мая 2022, 15:52

Пятроўскі: Польшча зрабіла ўласных грамадзян заложнікамі мілітарысцкай геапалітыкі

Пётр Пятроўскі. Фота з архіва
Пётр Пятроўскі. Фота з архіва

17 мая, Мінск /Кар. БЕЛТА/. Польшча зрабіла ўласных грамадзян заложнікамі сваёй мілітарысцкай геапалітыкі, заявіў карэспандэнту БЕЛТА эксперт грамадскага аб'яднання "Белая Русь" палітолаг Пётр Пятроўскі.

"Польскае кіраўніцтва зрабіла ўласных грамадзян заложнікамі сваёй мілітарысцкай геапалітыкі, што разбурае натуральныя эканамічныя сферы. І сёння ў плане энергетычнай палітыкі Варшава ператвараецца ва Украіну. Я нагадаю, што менавіта недзе гадоў 5 таму ва Украіне таксама з-за вось гэтага бессэнсоўнага процістаяння з Расіяй павялічылі цану для ўласных грамадзян на камунальныя паслугі ў некалькі разоў", - адзначыў Пётр Пятроўскі.

Палітолаг падкрэсліў: да чаго гэта прывядзе - усе цудоўна разумеюць. "Так, пэўнае павышэнне людзі яшчэ стрываюць, будуць менш купляць, пагоршыцца ўзровень, зменшыцца базавы камфорт грамадзян Польшчы. Але відаць, што польскі ўрад накіраваны на тое, каб і далей пагаршаць гэты ўзровень жыцця, што прывядзе ў канчатковым выніку да такіх жа сумных наступстваў, як і ва Украіне. Гэта значыць да таго, што проста грамадзяне Польшчы паступова будуць адмаўляцца аплачваць жыллёва-камунальныя паслугі. І пытанне толькі ў тым, навошта гэта польскаму кіраўніцтву і ці з'яўляецца Польшча тут суверэннай краінай. Гэта выклікае вялікае сумненне, - дадаў ён. - Таму што на фоне той жа Венгрыі, якая праводзіць цалкам альтэрнатыўную палітыку, абараняе інтарэсы грамадзян ад санкцыйнай безразважнасці калектыўнага Захаду, Польшча, наадварот, чамусьці знаходзіцца ў авангардзе гэтых неразумных дзеянняў і прымушае ўласных грамадзян цягаць каштаны з тарыфнага вогнішча жыллёва-камунальных паслуг, расплачваецца іх дабрабытам і ўзроўнем жыцця".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі