Дзмітрый Пяскоў. Фота ТАСС
21 чэрвеня, Мінск /Кар. БЕЛТА/. Крызіс з-за сітуацыі вакол Украіны будзе працяглым, Расія больш ніколі не зможа давяраць Захаду. Аб гэтым у інтэрв'ю тэлеканалу NBC заявіў прэс-сакратар расійскага лідара Дзмітрый Пяскоў, паведамляе ТАСС.
"Так, гэта будзе працяглы крызіс. Мы больш не будзем ніколі давяраць Захаду", - сказаў Дзмітрый Пяскоў.
Адносіны паміж Расіяй і заходнімі краінамі пагоршыліся пасля пачатку спецаперацыі ва Украіне 24 лютага. Уладзімір Пуцін, аб'яўляючы аб яе пачатку, заявіў, што Расія пайшла на такі крок, каб абараніць насельніцтва Данбаса ад генацыду, а таксама дабіцца дэнацыфікацыі і дэмілітарызацыі Украіны.-0-
