21 красавіка, Мінск /Кар. БЕЛТА/. Заява ўкраінскага боку аб магчымым удары па Крымскім мосце не што іншае, як анансаванне тэракта. Аб гэтым заявіў прэс-сакратар прэзідэнта РФ Дзмітрый Пяскоў, паведамляе ТАСС.
Раней сакратар Савета нацыянальнай бяспекі і абароны (СНБА) Украіны Аляксей Данілаў заявіў, што ўкраінскія ВС удараць па Крымскім мосце адразу ж, як з'явіцца такая магчымасць.
"Такая заява з'яўляецца нічым іншым, як анансаваннем магчымага тэрарыстычнага акта", - пракаменціраваў Дзмітрый Пяскоў.
Паводле яго слоў, такія заявы падлягаюць прававой праверцы з наступным пакараннем.
Прэс-сакратар таксама адзначыў, што вакол такіх стратэгічных аб'ектаў, як Крымскі мост, ажыццяўляюцца ўсе неабходныя меры бяспекі па лініі адпаведных службаў.-0-