ДЗЯРЖОРГАНЫДЗЯРЖОРГАНЫ
Флаг Аўторак, 30 лістапада 2021
Мінск Суцэльная воблачнасць -3°C
Усе навіны
Усе навіны
У свеце
11 кастрычніка 2021, 15:25

Пяскоў: узровень вакцынацыі ад COVID-19 у РФ недазвольна нізкі

Фота з архіва
Фота з архіва

11 кастрычніка, Мінск /Кар. БЕЛТА/. Узровень вакцынацыі ад каранавіруса ў РФ недазвольна нізкі, з-за чаго смяротнасць знаходзіцца на высокім узроўні. Аб гэтым журналістам у панядзелак заявіў прэс-сакратар прэзідэнта РФ Дзмітрый Пяскоў.

"Так, сапраўды, узровень вакцынацыі ў нас маленькі, адсюль у нас такая вялікая смяротнасць, пандэмія не адступае, яна вяртаецца новымі хвалямі, новымі больш агрэсіўнымі штамамі, якія больш вірулентныя, гэта мае вялікую небяспеку", - сказаў прадстаўнік Крамля.

"Адзінае, што захоўвае жыцці, - гэта прышчэпка", - падкрэсліў Пяскоў.

"Мы кожны раз выкарыстоўваем любую магчымасць, каб звярнуцца да ўсіх грамадзян з простым заклікам: ідзіце і зрабіце прышчэпку", - адзначыў прадстаўнік Крамля. Ён таксама заклікаў сродкі масавай інфармацыі "паўтараць гэта сто разоў на дзень".

Пяскоў нагадаў, што сітуацыя з распаўсюджваннем каранавіруса ў РФ знаходзіцца пад пастаянным асабістым кантролем прэзідэнта РФ Уладзіміра Пуціна. "На федэральным узроўні і ўрад, і прэзідэнт займаюцца тэмай каранавіруса штодзённа, і аб гэтым можна гаварыць з упэўненасцю, зроблена галоўнае - для грамадзян створаны ўсе ўмовы для таго, каб яны ратавалі сваё жыццё, робячы прышчэпкі", - адзначыў прадстаўнік Крамля.

Расійскія ўлады ў барацьбе з кавідам імкнуцца захаваць баланс паміж прадухіленнем росту колькасці інфіцыраваных і забеспячэннем умоў для работы эканомікі, заявіў Пяскоў.

"Галоўная задача - ісці пасярэдзіне паміж задачай разрыву эпідэміялагічных ланцужкоў і прадухілення далейшага павелічэння колькасці інфіцыраваных і ўсё ж такі забеспячэннем умоў для таго, каб эканоміка прадаўжала працаваць і людзі маглі і далей зарабляць грошы", - сказаў прадстаўнік Крамля.

Пяскоў звязаў абмежавальныя меры ў некаторых рэгіёнах РФ з наяўнасцю свабодных месцаў у бальніцах для пацыентаў з кавідам. "Гэта колькасць рэзервовых ложка-месцаў у многіх рэгіёнах скарачаецца імкліва, таму што захворвае больш людзей, чым выздараўлівае, арыфметыка тут абсалютна прымітыўная: калі захворвае больш, чым выздараўлівае, колькасць свабодных ложка-месцаў скарачаецца дзень пры дні", - растлумачыў прадстаўнік Крамля. Паводле яго слоў, "тыя рэгіёны, дзе колькасць рэзервовых ложка-месцаў падыходзіць да крытычнай рысы, пачынаюць прымаць больш дзейсныя меры, тыя рэгіёны, дзе існуе запас, такі НЗ, яны ў іншым рэжыме прымаюць меры, спрабуючы знаходзіць баланс паміж абмежавальнымі мерамі і работай эканомікі". "Усё ж такі ёсць вопыт напрацаваны, не першы год ідзе гэта пандэмія", - дадаў Пяскоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі