ДЗЯРЖОРГАНЫДЗЯРЖОРГАНЫ
Флаг Серада, 6 ліпеня 2022
Мінск +13°C
Усе навіны
Усе навіны
У свеце
04 красавіка 2022, 14:24

Пяскоў: Расія катэгарычна адхіляе любыя абвінавачанні ў забойствах грамадзянскіх у Бучы

Дзмітрый Пяскоў. Фота ТАСС
Дзмітрый Пяскоў. Фота ТАСС

4 красавіка, Мінск /Кар. БЕЛТА/. Масква катэгарычна адхіляе любыя абвінавачанні ў забойствах грамадзянскіх у Бучы і прапануе абмяркоўваць гэту тэму на максімальна высокім узроўні, у тым ліку ў Савеце Бяспекі ААН. Аб гэтым заявіў прэс-сакратар прэзідэнта РФ Дзмітрый Пяскоў, паведамляе ТАСС.

"Мы катэгарычным чынам адхіляем любыя абвінавачанні. Больш таго, мы лічым, што гэта тэма павінна абмяркоўвацца на максімальна высокім узроўні", - сказаў прадстаўнік Крамля. Паводле яго слоў, Масква выступіла з ініцыятывай разгледзець гэту тэму ў Савеце Бяспекі. "Ведаем, што гэта ініцыятыва была заблакіравана. Нашы дыпламаты прадоўжаць актыўныя намаганні, каб вынесці ўсё ж такі гэта пытанне ў парадак дня Савета Бяспекі. Тэма вельмі сур'ёзная", - канстатаваў Дзмітрый Пяскоў.

Ён заклікаў міжнародных лідараў не спяшацца з агульнымі абвінавачаннямі адносна сітуацыі ў Бучы. "Сітуацыя, безумоўна, сур'ёзная, і тут мы патрабавалі б, каб асабліва многія міжнародныя лідары не спяшаліся з заявамі, з агульнымі абвінавачаннямі, а ўсё ж такі каб яны запыталі інфармацыю з розных крыніц, як мінімум прыслухаліся да нашай аргументацыі", - адзначыў прадстаўнік Крамля.

"Гэта інфармацыя павінна быць падвергнута сур'ёзнаму сумненню", - адзначыў прэс-сакратар. Ён падкрэсліў, што гэтым матэрыялам нельга давяраць: спецыялістамі з Мінабароны ў іх выяўлены "прыкметы відэападробак і розных фэйкаў - тых ці іншых". "Факталогія, каляндарная паслядоўнасць падзей таксама не сведчаць на карысць дакладнасці гэтых сцвярджэнняў", - дадаў Дзмітрый Пяскоў.

Пры гэтым Крэмль не каменціруе, як гэта сітуацыя можа паўплываць на перагаворы дэлегацый РФ і Украіны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі