Фота forumspb.com
18 чэрвеня, Масква /Эдуард Півавар - БЕЛТА/. Пецярбургскі міжнародны эканамічны форум (ПМЭФ) пачынае сваю работу ў паўночнай расійскай сталіцы, паведамляе БЕЛТА.
Пецярбургскі форум, які прадоўжыцца да 21 чэрвеня, мае рэпутацыю аўтарытэтнай міжнароднай пляцоўкі для дыялогу прадстаўнікоў бізнесу, дзяржаўных структур, навуковай супольнасці, экспертных колаў. Удзел у ПМЭФ у бягучым годзе пацвердзілі амаль 20 тыс. удзельнікаў са 140 краін: кіраўнікі шэрага дзяржаў, урадавыя дэлегацыі, кіраўнікі міжнародных арганізацый, прадстаўнікі вядучых карпарацый, эксперты.
Цэнтральнай тэмай форуму стане пошук агульных арыенціраў фарміравання ўстойлівага развіцця ва ўмовах глабальнай турбулентнасці. Дзелавая праграма падзелена на пяць трэкаў: "Сусветная эканоміка: новая платформа глабальнага росту", "Расійская эканоміка: новая якасць росту", "Чалавек у новым свеце", "Асяроддзе для жыцця" і "Тэхналогіі: імкненне да лідарства". Агульная колькасць сесій у праграме перавышае 150, у іх прымуць удзел больш як тысяча спікераў і мадэратараў. Афіцыйнае адкрыццё форуму адбудзецца 19 чэрвеня.
На форуме запланаваны сустрэчы прадстаўнікоў краін БРІКС, ШАС, ЕАЭС і АСЕАН. Супрацоўніцтву Беларусі і Расіі будзе прысвечана спецыяльная сесія "Саюзная дзяржава: на мяжы эпох", мадэратарам якой выступіць дзяржаўны сакратар Саюзнай дзяржавы Сяргей Глазьеў. На сесіі чакаецца шырокае прадстаўніцтва беларускіх удзельнікаў.
Прадстаўнікі Беларусі таксама заяўлены ў якасці спікераў на сесіях "Гонар. Натхненне. Мара. Роля атамнай прамысловасці ў глабальным развіцці", "Погляд у будучыню дзяржаўнага аўдыту: прыярытэты развіцця", "Штучны інтэлект: ад абмеркавання да ўкаранення", "Спорт як універсальная мова дыялогу", "Зніжэнне рэгулятарнай і адміністрацыйнай нагрузкі як умова свабоды прадпрымальніцтва, прыцягнення інвестыцый і ўзаемавыгаднага супрацоўніцтва" і інш.
Цэнтральным мерапрыемствам форуму стане пленарнае пасяджэнне 20 чэрвеня, на якім, паводле інфармацыі прэс-службы Крамля, выступіць прэзідэнт Расіі Уладзімір Пуцін. Разам з ім у пасяджэнні прымуць удзел і выступяць прэзідэнт Інданезіі Прабова Субіянта, прадстаўнік караля Бахрэйна па гуманітарнай дзейнасці і справах моладзі, саветнік па нацыянальнай бяспецы, камандуючы Каралеўскай гвардыяй Насер бен Хамад Аль Халіфа, намеснік прэм'ера Дзяржаўнага савета КНР Дзін Сюэсян, віцэ-прэзідэнт ПАР Пол Машаціле. Таксама на палях форуму Уладзімір Пуцін правядзе традыцыйную сустрэчу з кіраўнікамі міжнародных інфармацыйных агенцтваў. Размова пройдзе ў фармаце "пытанні-адказы" і будзе прысвечана актуальным аспектам унутранай і знешняй палітыкі Расійскай Федэрацыі, а таксама ключавым міжнародным падзеям.
ПМЭФ праводзіцца пад патранажам прэзідэнта РФ з 2006 года. Арганізатарам выступае фонд "Раскангрэс".-0-
Пецярбургскі форум, які прадоўжыцца да 21 чэрвеня, мае рэпутацыю аўтарытэтнай міжнароднай пляцоўкі для дыялогу прадстаўнікоў бізнесу, дзяржаўных структур, навуковай супольнасці, экспертных колаў. Удзел у ПМЭФ у бягучым годзе пацвердзілі амаль 20 тыс. удзельнікаў са 140 краін: кіраўнікі шэрага дзяржаў, урадавыя дэлегацыі, кіраўнікі міжнародных арганізацый, прадстаўнікі вядучых карпарацый, эксперты.
Цэнтральнай тэмай форуму стане пошук агульных арыенціраў фарміравання ўстойлівага развіцця ва ўмовах глабальнай турбулентнасці. Дзелавая праграма падзелена на пяць трэкаў: "Сусветная эканоміка: новая платформа глабальнага росту", "Расійская эканоміка: новая якасць росту", "Чалавек у новым свеце", "Асяроддзе для жыцця" і "Тэхналогіі: імкненне да лідарства". Агульная колькасць сесій у праграме перавышае 150, у іх прымуць удзел больш як тысяча спікераў і мадэратараў. Афіцыйнае адкрыццё форуму адбудзецца 19 чэрвеня.
На форуме запланаваны сустрэчы прадстаўнікоў краін БРІКС, ШАС, ЕАЭС і АСЕАН. Супрацоўніцтву Беларусі і Расіі будзе прысвечана спецыяльная сесія "Саюзная дзяржава: на мяжы эпох", мадэратарам якой выступіць дзяржаўны сакратар Саюзнай дзяржавы Сяргей Глазьеў. На сесіі чакаецца шырокае прадстаўніцтва беларускіх удзельнікаў.
Прадстаўнікі Беларусі таксама заяўлены ў якасці спікераў на сесіях "Гонар. Натхненне. Мара. Роля атамнай прамысловасці ў глабальным развіцці", "Погляд у будучыню дзяржаўнага аўдыту: прыярытэты развіцця", "Штучны інтэлект: ад абмеркавання да ўкаранення", "Спорт як універсальная мова дыялогу", "Зніжэнне рэгулятарнай і адміністрацыйнай нагрузкі як умова свабоды прадпрымальніцтва, прыцягнення інвестыцый і ўзаемавыгаднага супрацоўніцтва" і інш.
Цэнтральным мерапрыемствам форуму стане пленарнае пасяджэнне 20 чэрвеня, на якім, паводле інфармацыі прэс-службы Крамля, выступіць прэзідэнт Расіі Уладзімір Пуцін. Разам з ім у пасяджэнні прымуць удзел і выступяць прэзідэнт Інданезіі Прабова Субіянта, прадстаўнік караля Бахрэйна па гуманітарнай дзейнасці і справах моладзі, саветнік па нацыянальнай бяспецы, камандуючы Каралеўскай гвардыяй Насер бен Хамад Аль Халіфа, намеснік прэм'ера Дзяржаўнага савета КНР Дзін Сюэсян, віцэ-прэзідэнт ПАР Пол Машаціле. Таксама на палях форуму Уладзімір Пуцін правядзе традыцыйную сустрэчу з кіраўнікамі міжнародных інфармацыйных агенцтваў. Размова пройдзе ў фармаце "пытанні-адказы" і будзе прысвечана актуальным аспектам унутранай і знешняй палітыкі Расійскай Федэрацыі, а таксама ключавым міжнародным падзеям.
ПМЭФ праводзіцца пад патранажам прэзідэнта РФ з 2006 года. Арганізатарам выступае фонд "Раскангрэс".-0-
Падпісвайцеся на нас у
