31 сакавіка, Мінск /Кар. БЕЛТА/. Перагаворы Расіі і Украіны адновяцца 1 красавіка ў анлайн-фармаце. Аб гэтым паведаміў член украінскай дэлегацыі на перагаворах з РФ Давід Арахамія ў сваім Telegram-канале.
"На перагаворах у Турцыі мы таксама аб'явілі, што цяпер настала патрэбнасць сустрэчы лідараў дзвюх дзяржаў. Расійская дэлегацыя адказала, што для пачатку трэба мець больш узгоднены праект дагавора", - адзначыў Давід Арахамія.
Паводле яго слоў, за тыдзень будзе напрацавана тое, што залежыць ад удзельнікаў перагаворнага працэсу. "І будзем спадзявацца, што далей будуць сустракацца прэзідэнты краін, - сказаў ён. - У той жа час мы настойваем, каб такая сустрэча адбылася не на тэрыторыі Расіі або Беларусі".-0-
