23 сакавіка, Мінск /Кар. БЕЛТА/. Перагаворы дэлегацый Расіі і Украіны праходзяць кожны дзень, яны прадоўжацца ў тым ліку 24 сакавіка, паведамляе ТАСС са спасылкай на расійскую крыніцу, знаёмую з ходам перагавораў.
"Перагаворы прадаўжаюцца кожны дзень. Яны прадоўжацца і заўтра", - сказала крыніца.
Першы раўнд перагавораў дэлегацый Расіі і Украіны прайшоў 28 лютага ў Гомельскай вобласці, тады сустрэча прадоўжылася пяць гадзін. Пасля бакі сустракаліся 3 сакавіка ў Белавежскай пушчы і 7 сакавіка ў Брэсцкай вобласці. Цяпер работа прадаўжаецца ў фармаце відэа-канферэнц-сувязі. Расійскую дэлегацыю ўзначальвае памочнік прэзідэнта РФ Уладзімір Мядзінскі.-0-