6 жніўня, Мінск /Кар. БЕЛТА/. Пажар на ваенным складзе ў Ачынскім раёне Краснаярскага краю РФ поўнасцю ліквідаваны, паведамляе ТАСС са спасылкай на Мінабароны РФ.
Ачагоў адкрытага гарэння няма. "6 жніўня пасля 05.00 па маскоўскім часе дэтанацыя боепрыпасаў спынілася", - гаворыцца ў паведамленні.
У ведамстве ўдакладнілі, што самалёты Іл-76 ваенна-транспартнай авіяцыі і верталёты армейскай авіяцыі Мі-8 пачалі праліўку тэрыторыі склада.
Узгаранне сховішча парахавых зарадаў да артылерыйскіх боепрыпасаў і далейшыя іх узрывы адбыліся 5 жніўня на тэрыторыі аднаго з складоў воінскай часці ў Ачынскім раёне на захадзе Краснаярскага краю. У населеных пунктах, размешчаных у радыусе 20 км ад месца надзвычайнага здарэння, была аб'яўлена эвакуацыя. Колькасць пацярпелых пры выбухах, паводле даных медыкаў, дасягнула 12 чалавек. На тэрыторыі Ачынскага раёна уведзены рэжым надзвычайнай сітуацыі.-0-
