13 сакавіка, Мінск /Кар. БЕЛТА/. У выніку разбуральных паводак у цэнтральных і паўночных раёнах Мазамбіка загінулі па меншай меры 66 чалавек, паведамляе іранскі тэлеканал навін Press TV.
Паводлое існуючых даных, 111 чалавек атрымалі траўмы рознай ступені. Стыхійнае бедства закранула больш за 141,3 тыс. мясцовых жыхароў, многія з якіх страцілі дамы і маёмасць.
Урад Мазамбіка ўвёў чырвоны рэжым трывогі з-за зацяжных ліўняў, якія абрушыліся на краіну з прыходам цыклону Ідай у канцы мінулага тыдня. Паводле афіцыйных даных, стыхія знішчыла звыш 5,7 тыс. жылля і 18 бальніц, нанесла шкоду амаль 15,5 тыс. дамоў.
Улады распарадзіліся арганізаваць абавязковую эвакуацыю з зон бедства. У правінцыях Замбезія і Тэтэ створаны 16 цэнтраў часовага размяшчэння насельніцтва. Згодна з падлікамі ўрада, спатрэбіцца выдзеліць каля $16 млн на аказанне дапамогі 80 тыс. пацярпелых сем'яў.
З-за моцных дажджоў таксама пацярпеў паўднёвы рэгіён Рэспублікі Малаві, якая мяжуе з Мазамбікам. Да гэтага часу вядома аб 30 загінулых, больш як 230 тыс. мясцовых жыхароў страцілі жыллё.-0-
