29 лістапада, Мінск /Кар. БЕЛТА/. Дональд Туск, які пакідае пасаду кіраўніка Еўрасавета, перадаў свае паўнамоцтвы былому прэм'ер-міністру Бельгіі Шарлю Мішэлю, паведамляе Euronews.
З 1 снежня менавіта экс-прэм'ер-міністр Бельгіі будзе старшынстваваць на пасяджэннях кіраўнікоў дзяржаў і ўрадаў краін Еўрапейскага саюза. 43-гадовы чыноўнік выступае за незалежную "зялёную" Еўропу і асцерагаецца новай халоднай вайны, процістаяння паміж ЗША і Кітаем.
У сваю чаргу Дональд Туск цалкам адыходзіць ад спраў саюза не збіраецца. 20 лістапада ён быў афіцыйна выбраны старшынёй галоўнай палітычнай сілы ЕС - Еўрапейскай народнай партыі.
Еўрапейскі савет - вышэйшы палітычны орган Еўрапейскага саюза, які складаецца з кіраўнікоў дзяржаў і ўрадаў дзяржаў - членаў ЕС. Ён вызначае асноўныя стратэгічныя напрамкі развіцця ЕС.-0-