17 чэрвеня, Мінск /Кар. БЕЛТА/. Ваенная інфраструктура НАТА наблізілася да самых граніц Расіі і Беларусі. Аб гэтым заявіў сакратар Савета бяспекі Расіі Мікалай Патрушаў у Ерэване на пасяджэнні Камітэта сакратароў саветаў бяспекі краін - удзельніц Арганізацыі Дагавора аб калектыўнай бяспецы, паведамляюць РІА Навіны.
Мікалай Патрушаў падкрэсліў, што, нягледзячы на дадзеныя палітычныя запэўніванні, інфраструктура НАТА вельмі блізка падышла да расійскіх і беларускіх рубяжоў, пры гэтым альянс прадаўжае павялічваць сваю прысутнасць на гэтым флангу. У выніку на заходнім флангу АДКБ "нарошчваецца ваенная прысутнасць, паскоранымі тэмпамі мадэрнізуецца ваенная інфраструктура, ідуць шматлікія вучэнні альянсу".
"Адным з ключавых складнікаў агрэсіўнай лініі ЗША і іх саюзнікаў стала безаглядная экспансія НАТА", - звярнуў увагу сакратар Савета бяспекі Расіі.
У сталіцы Арменіі сёння праходзіць пасяджэнне Камітэта сакратароў саветаў бяспекі краін - удзельніц Арганізацыі Дагавора аб калектыўнай бяспецы (АДКБ).-0-
