ДЗЯРЖОРГАНЫДЗЯРЖОРГАНЫ
Серада, 20 студзеня 2021
Мінск Пераменная воблачнасць -11°C
Усе навіны
Усе навіны
У свеце
27 лістапада 2020, 14:29

Пашынян: забеспячэнне дасягнутага міру ў Нагорным Карабаху з'яўляецца прыярытэтам

Фота ТАСС
Фота ТАСС

27 лістапада, Мінск /Кар. БЕЛТА/. Доўгатэрміновае забеспячэнне дасягнутага міру ў Нагорным Карабаху з'яўляецца прыярытэтам урада Арменіі. Аб гэтым сёння ў час звароту да нацыі заявіў прэм'ер-міністр краіны Нікол Пашынян, паведамляе ТАСС.

"Сёння важная мэта - захаваць дасягнуты мір, зрабіць яго трывалым і, калі мы зможам зрабіць яго пастаянным, намнога лепш. Важнай задачай з'яўляецца забеспячэнне стабільнасці і бяспекі вакол Арменіі і Арцаха (непрызнаная Нагорна-Карабахская рэспубліка), арганізацыя бяспекі Арцаха. А для гэтага неабходна выкананне дамоўленасцей ад 9 лістапада", - адзначыў Нікол Пашынян.

Таксама прэм'ер-міністр Арменіі адзначыў, што ў краіне ёсць сілы, якія сваімі дзеяннямі хочуць пасеяць хаос. "Некаторыя сілы спрабуюць стварыць бачнасць адсутнасці ўлады ў Арменіі. Яны хочуць пасеяць хаос у краіне, каб забяспечыць сваё вяртанне да ўлады. Аднак мы гэтага не дапусцім. Мы не трымаемся за ўладу, але народ не хоча іх вяртання", - заявіў ён.

У Арменіі з 10 лістапада праходзяць акцыі пратэсту апазіцыі з патрабаваннем адстаўкі Нікола Пашыняна. Апазіцыя абвінавачвае яго ў падпісанні трохбаковай заявы, згодна з якой пад кантроль Азербайджана павінны перайсці сем раёнаў вакол Нагорнага Карабаха і частка тэрыторыі самой непрызнанай рэспублікі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі