3 снежня, Мінск /Кар. БЕЛТА/. Пасажырскі аўтобус перавярнуўся сёння на трасе Кызыларда - Кумколь у Казахстане, паведамляе ТАСС са спасылкай на афіцыйнага прадстаўніка камітэта па НС МУС рэспублікі Нурсултана Нурахметава.
У салоне знаходзіліся 36 чалавек. Восем чалавек загінулі, 21 пасажыр пацярпеў. Усе яны грамадзяне Казахстана.
Прычынай ДТЗ стаў галалёд. Вадзіцель пасажырскага аўтобуса не справіўся з рулявым кіраваннем і дапусціў перакульванне.
Аўтобус маркі Neoplan належыць мясцовай нафтавай кампаніі. Ён перавозіў супрацоўнікаў прадпрыемства на работу.-0-
