6 жніўня, Мінск /Кар. БЕЛТА/. Парламент Малдовы зацвердзіў праграму і склад урада на чале з Наталляй Гаўрыліцай, якую на пасаду прэм'ер-міністра вылучыла прэзідэнт краіны Мая Санду, паведамляе ТАСС.
"За ўрад прагаласаваў 61 дэпутат", - растлумачыў спікер Ігар Гросу.
Падтрымку кабінету аказала кіруючая Партыя дзеяння і салідарнасці, якая падтрымлівае прэзідэнта Маю Санду. Лідары Блока камуністаў і сацыялістаў, у якіх 32 месцы, аб'явілі аб пераходзе ў апазіцыю і не галасавалі за ўрад, таксама не падтрымалі яго і шэсць дэпутатаў ад партыі "Шор".
Датэрміновыя парламенцкія выбары прайшлі ў Малдове 11 ліпеня. Партыя дзеяння і салідарнасці набрала 52,8 працэнта галасоў і атрымала права самастойна сфарміраваць урад.-0-