Сцяг Пятніца, 29 сакавіка 2024
Усе навіны
Усе навіны
У свеце
09 лістапада 2018, 15:35

Парламент Германіі зрабіў больш строгім заканадаўства аб прадастаўленні прыстанішча

9 лістапада, Мінск /Кар. БЕЛТА/. Парламент Германіі прыняў законапраект, які робіць больш строгімі правілы прадастаўлення прыстанішча ў ФРГ. Аб гэтым паведамляе нямецкая тэлерадыёкампанія Deutsche Welle.

Згодна з законапраектам, тыя, хто ўжо атрымаў статус бежанца, пры праверках, якія магчымы на працягу трох гадоў, павінны ўсяляк супрацоўнічаць з уладамі і прадастаўляць па іх запыце неабходныя дакументы. У адваротным выпадку мігрантам пагражаюць грашовы штраф або ўзяцце пад варту.

Рашэнне падтрымала кіруючая кааліцыя, а таксама ліберальная Свабодная дэмакратычная партыя (СвДП) і правыя папулісты з "Альтэрнатывы для Германіі".

Пасля змянення заканадаўства ўлады змогуць дасканала вывучыць, ці з'яўляюцца правільнымі выдадзеныя першапачаткова рашэнні. Да 2020 года ў Германіі паўторна вывучаць амаль 800 тыс. рашэнняў аб прадастаўленні статусу бежанца.

Гэта дасць магчымасць павысіць якасць працэдур, звязаных з прадастаўленнем прыстанішча, лічыць міністр унутраных спраў ФРГ Хорст Зеехофер.

У час масавага прытоку мігрантаў у 2015-2016 гадах статус бежанца нярэдка прысвойвалі па спрошчанай працэдуры. У выніку персанальныя даныя або грамадзянства саіскальнікаў часта заносіліся толькі са слоў прэтэндэнта на прыстанішча без дэталёвай праверкі.-0-

Падпісвайцеся на нас у
Twitter
Топ-навіны
Свежыя навіны Беларусі