17 мая, Мінск /Кар. БЕЛТА/. Парламент Фінляндыі адобрыў заяўку на ўступленне краіны ў НАТА. Прапанову падтрымалі 188 дэпутатаў з 200, паведамляе РІА Навіны.
Урад краіны вынесе афіцыйную прапанову на разгляд прэзідэнта. Кіраўнік дзяржавы Саўлі Нійнісцё, які цяпер знаходзіцца ў Швецыі, адобрыць яе дыстанцыйна ў самы кароткі тэрмін.
Сёння ў Швецыі кіраўнік МЗС Ан Ліндэ падпісала ўжо заяўку на ўступленне краіны ў Паўночнаатлантычны альянс. Чакаецца, што разгляд і ратыфікацыя заяўкі зойме амаль год.-0-