ДЗЯРЖОРГАНЫДЗЯРЖОРГАНЫ
Серада, 27 студзеня 2021
Мінск Суцэльная воблачнасць -1°C
Усе навіны
Усе навіны
У свеце
04 снежня 2020, 19:32

Парламент Чарнагорыі зацвердзіў новы ўрад краіны

Фота ТАСС
Фота ТАСС

4 снежня, Мінск /Кар. БЕЛТА/. Скупшчына (81-мясцовы парламент) Чарнагорыі зацвердзіў склад 42-га кабінета міністраў на чале з прэм'ер-міністрам Здраўкам Крывакапічам. Трансляцыю парламенцкага пасяджэння вяла ў пятніцу прэс-служба парламента, паведамляе ТАСС.

У падтрымку новага ўрада прагаласаваў 41 дэпутат з 81, супраць выказаліся 28, устрымаўся адзін парламентарый. Пасля гэтага Здраўка Крывакапіч прынёс прысягу, такім чынам, новы кабінет міністраў афіцыйна пачаў работу.

"Я прыкладу намаганні, каб быць прэм'ерам, які мала гаворыць, а шмат працуе, які будзе толькі адным з вас, будзе прысутнічаць у народзе, чуць і разумець яго патрэбы. Я хачу апраўдаць чаканні ўсіх, хто галасаваў за перамены, але таксама супакоіць апасенні тых, хто перамен баіцца. Мы можам перамагчы толькі ўсе разам, агульнымі сіламі", - заявіў у звароце да парламента прэм'ер-міністр Чарнагорыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі