ДЗЯРЖОРГАНЫДЗЯРЖОРГАНЫ
Флаг Чацвер, 18 жніўня 2022
Мінск Ясна +27°C
Усе навіны
Усе навіны
У свеце
23 лістапада 2021, 16:19

Паліцыя Нідэрландаў арыштавала больш за 170 чалавек, якія маюць дачыненне да беспарадкаў з-за кавід-абмежаванняў

Фота  Reuters
Фота Reuters

23 лістапада, Мінск /Кар. БЕЛТА/. Праваахоўныя органы Нідэрландаў арыштавалі 173 чалавекі, якія маюць дачыненне да беспарадкаў, што ахапілі некалькі галандскіх гарадоў у мінулыя выхадныя. Аб гэтым паведаміў сёння міністр бяспекі і юстыцыі Фердынанд Граперхаус, піша ТАСС.

Паводле слоў чыноўніка, у адносінах да затрыманых будзе выкарыстоўвацца спрошчанае судаводства і ўсе яны панясуць заслужанае пакаранне. "Паліцыя і пракуратура робяць усё магчымае для гэтага", - сказаў ён, дадаўшы, што ўдзельнікі беспарадкаў у ліку іншага павінны будуць выплаціць нанесены ўрон. Граперхаус таксама не выключыў, што будуць праведзены дадатковыя арышты.

Беспарадкі ў мінулыя выхадныя ахапілі адразу некалькі галандскіх гарадоў. Пратэстуючыя білі вітрыны магазінаў, закідвалі паліцэйскіх камянямі і запускалі ў іх бок феерверкі. 19 лістапада ў Ратэрдаме паліцыі нават давялося страляць на паражэнне, каб адцясніць агрэсіўна настроеную моладзь. Паведамляецца, што як мінімум тры чалавекі атрымалі агнястрэльныя раненні, траўмы таксама атрымалі некалькі супрацоўнікаў праваахоўных органаў.

Незадаволенасць у пратэстуючых выклікаюць каранавірусныя абмежаванні, уведзеныя ўрадам з-за рэзкага росту колькасці выпадкаў заражэння і шпіталізацыі, а таксама планы ўлад увесці так званую сістэму 2G, пры якой санітарны пропуск будзе выдавацца толькі людзям, якія перахварэлі на кавід або прайшлі вакцынацыю, але не тым, хто здаў адмоўны тэст на каранавірус.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі