27 мая, Мінск /Кар. БЕЛТА/. Крызісныя праяўленні ў ЗША - толькі пачатковая фаза, заявіў у эфіры тэлеканала "Беларусь 1" палітолаг-амерыканіст (Расія) Дзмітрый Яўстаф'еў, паведамляе БЕЛТА.
"Праяўленні вельмі значныя і балючыя для насельніцтва, таму што сапраўды цана на бензін - гэта тая рэч, якая перш за ўсё б'е па амерыканскім сярэднім класе. А ёсць абсалютна відавочныя праблемы з пастаўкамі прадуктаў харчавання", - расказаў Дзмітрый Яўстаф'еў.
Палітолаг падкрэсліў: гэта ўсё пакуль пачатковая фаза. "Рэальны эканамічны крызіс у Злучаных Штатах пачынаецца тады, калі вось гэтыя крызісныя з'явы пачынаюць закранаць фінансавы сектар, - адзначыў ён. - Там ёсць вельмі сур'ёзныя моманты. Перш за ўсё рост у прамысловай інфляцыі. Але галоўнае яшчэ іншае - адміністрацыя Байдэна ўсяляк хоча перавесці ўвагу сярэдняга амерыканца на знешнепалітычныя праблемы: то Украіна, то барацьба з Пуціным, то Тайвань. Думаю, цяпер яшчэ нешта з'явіцца".
Але ўсе гэтыя спробы дарэмныя. "Фокус увагі сярэдняга амерыканца ўсё роўна вяртаецца на ўнутраныя сацыяльна-эканамічныя праблемы. І я вельмі сумняваюся, што Байдэна чакае поспех у спробах зрушыць фокус увагі амерыканца на знешнія праблемы да асенніх выбараў", - канстатаваў Дзмітрый Яўстаф'еў.-0-
