ДЗЯРЖОРГАНЫДЗЯРЖОРГАНЫ
Флаг Субота, 8 мая 2021
Мінск Суцэльная воблачнасць +8°C
Усе навіны
Усе навіны
У свеце
08 красавіка 2021, 11:53

Пагромы і беспарадкі ў Белфасце: пацярпелі дзясяткі чалавек

Фота  Associated Press

8 красавіка, Мінск /Кар. БЕЛТА/. У сталіцы Паўночнай Ірландыі Белфасце ўжо некалькі начэй не сціхаюць беспарадкі, паведамляе Deutsche Welle.

Паводле версіі сіл бяспекі, да пагромаў маюць дачыненне схільныя да насілля групоўкі, лаяльныя да пратэстанцкай абшчыны і ўцягнутыя ў гандль наркотыкамі. Верагоднай падставай паслужыла рашэнне пракуратуры не прыцягваць да адказнасці шэраг высокапастаўленых палітыкаў з каталіцкай праірландскай партыі Sinn Fein, якія ва ўмовах каранавірусных абмежаванняў наведалі пахаванне былога ўдзельніка Ірландскай рэспубліканскай арміі, які змагаўся за аддзяленне рэгіёна ад Злучанага Каралеўства. Акрамя таго, частка пратэстанцкай абшчыны незадаволена асаблівым статусам Паўночнай Ірландыі пасля выхаду Вялікабрытаніі са складу Еўрасаюза.

Падчас беспарадкаў пацярпелі больш за 40 паліцэйскіх. Паводле звестак улад, было ўчынена нападзенне на фатографа. Пагромшчыкі спалілі рэйсавы аўтобус. Паліцыя заклікала жыхароў устрымацца ад наведвання некалькіх раёнаў Белфаста.

Прэм'ер-міністр Вялікабрытаніі Борыс Джонсан асудзіў акты насілля. Рознагалоссі неабходна вырашаць з дапамогай дыялогу, а не жорсткімі або злачыннымі дзеяннямі, адзначыў кіраўнік урада.

Паўночная Ірландыя прайшла праз тры дзесяцігоддзі міжабшчыннага канфлікту, у выніку якога больш за 3,5 тыс. чалавек загінулі, амаль 50 тыс. пацярпелі. Процістаянне цэнтральных брытанскіх улад і мясцовых нацыянальных арганізацый, якія прадстаўлялі каталіцкае насельніцтва, было выклікана спрэчкай наконт статусу рэгіёна.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі