28 красавіка, Мінск /Кар. БЕЛТА/. Пад Белгарадам украінскія ваенныя абстралялі гуманітарную калону, якая вярталася з Харкаўскай вобласці, пацярпелых няма, паведамляе РІА Навіны са спасылкай на валанцёраў.
Прадстаўнік арганізацыі Алёна Беразоўская расказала, што днём 27 красавіка, калі яны вярталіся разам з гуманітарнай місіяй міжнароднай грамадскай арганізацыі "Унукі" і рухам РПЦ "Патрыяршы добраахвотнік" з Харкаўскай вобласці, яны зведалі прыцэльны мінамётны абстрэл у населеным пункце Жураўлёўка. Яна адзначыла, што ні ў кога з добраахвотнікаў не было зброі, былі толькі бронекамізэлькі і каскі. Таксама яна расказала, што паспела зняць відэа, як кулі траплялі ў жылыя дамы.
Яна лічыць, што ўкраінскія ваенныя іх заўважылі, калі яны выдавалі гуманітарную дапамогу мясцоваму насельніцтву, і вырашылі забіць на дарозе назад.
Паводле яе слоў, машына, у якой ехала яна і іншыя добраахвотнікі, крыху адстала ад астатняй калоны і ўсе яны бачылі "як за 100 метраў справа і злева ад дарогі разрываюцца міны, гэта значыць білі па дарозе".-0-
