Сцяг Чацвер, 25 красавіка 2024
Усе навіны
Усе навіны
У свеце
27 студзеня 2023, 12:34

Орбан: Венгрыя накладзе вета на плануемыя ЕС санкцыі супраць расійскай ядзернай энергетыкі

27 студзеня, Мінск /Кар. БЕЛТА/. Венгрыя накладзе вета на магчымыя санкцыі Еўрапейскага саюза супраць прадпрыемстваў і арганізацый ядзернай энергетыкі РФ. Аб гэтым заявіў кіраўнік урада Венгрыі Віктар Орбан, паведамляе ТАСС.

Выступаючы 27 студзеня ў праграме венгерскай радыёстанцыі Kossuth, Віктар Орбан паведаміў, што Брусель распрацоўвае планы новых антырасійскіх санкцый, цяпер на парадку дня стаіць ядзерная энергетыка. Прэм'ер-міністр адзначыў, што ў сувязі з гэтым "чакае вялікай бітвы", але ўрад Венгрыі накладзе вета ў выпадку, калі ЕС паспрабуе ўвесці санкцыі супраць ядзернай энергетыкі РФ.

Віктар Орбан таксама паведаміў, што страты Венгрыі з антырасійскіх санкцый па выніках папярэдняга года складуць каля 10 млрд еўра. Паводле яго слоў, гэта сума роўная сукупнаму асабістаму падаходнаму падатку, які плацяць усе грамадзяне краіны. Ён нагадаў, што ўрад Венгрыі па-ранейшаму выступае за перагляд санкцыйнай палітыкі Еўрасаюза.-0-

Падпісвайцеся на нас у
Twitter
Топ-навіны
Свежыя навіны Беларусі