23 лютага, Мінск /Кар. БЕЛТА/. Еўрапейскія краіны страцілі свой суверэнітэт, ваенную і эканамічную магутнасць з-за ўкраінскага канфлікту, а таксама спроб ЗША выкарыстоўваць падзеі ва Украіне ва ўласных інтарэсах. Аб гэтым заявіў кіраўнік венгерскага ўрада Віктар Орбан, паведамляе ТАСС.
Паводле слоў Орбана, Еўропа аслабла з-за таго, што Белы дом навязвае амерыканскія інтарэсы Еўрасаюзу ва ўрон еўрапейскім інтарэсам. Пры гэтым "цунамі санкцый" разбураюць еўрапейскую эканоміку, у той час як Злучаныя Штаты, у якіх ёсць свае энергарэсурсы, знаходзяцца ўбаку ад такіх цяжкасцей.
Орбан таксама лічыць, што ваенны патэнцыял еўрапейскіх дзяржаў слабее. Гэта звязана з тым, што Еўропа пастаўляе зброю Кіеву і не мае магчымасці папоўніць свае арсеналы.
"Еўропа менш як за год страціла сваю незалежнасць, эканамічную і ваенную магутнасць", - зрабіў выснову Орбан.
У такіх умовах Венгрыі неабходна кіравацца ўласнымі інтарэсамі, тады яна зможа пераадолець цяжкасці і стаць мацнейшай, лічыць Орбан. На яго думку, для гэтага трэба захаваць палітычную незалежнась Венгрыі, прытрымліваючыся курсу на неўмяшанне ў падзеі ва Украіне, забяспечыць эканамічную стабільнасць, а таксама ўзмацніць ваенны патэнцыял краіны.-0-
