13 верасня, Мінск /Кар. БЕЛТА/. Офіс Уладзіміра Зяленскага апублікаваў праект рэкамендацый па гарантыях бяспекі для Украіны. Аб гэтым паведамляе газета "Известия".
Рэкамендацыі змяшчаюць заклік да стварэння сумеснага дагавора аб стратэгічным партнёрстве. Прапануецца заключыць абавязваючае пагадненне па бяспецы паміж Кіевам і краінамі-гарантамі. У якасці гарантаў украінскія ўлады прапануюць краіны ЕС, ЗША, Вялікабрытанію, Турцыю і шэраг іншых дзяржаў.
Кіеўскія ўлады чакаюць, што асноўная група саюзнікаў у рамках гэтага дакумента возьме на сябе абавязацельствы па падтрымцы ўкраінскіх ваенных. Больш шырокая група павінна будзе прадаставіць неваенныя гарантыі, якія будуць пабудаваны вакол санкцыйных механізмаў.
Адзначаецца, што Украіне спатрэбяцца шматгадовыя і стабільныя інвестыцыі ў абаронна-прамысловую базу краіны. Таксама Кіеў спадзяецца на маштабную перадачу зброі і правядзенне сумесных вучэнняў пад эгідай ЕС і НАТА. Акрамя таго, да дагавора могуць прыкладацца дадатковыя пагадненні, напрыклад аб забеспячэнні Украіны сучаснымі сродкамі ППА і ПРА.
Як падкрэсліў кіраўнік Офіса Зяленскага Андрэй Ярмак, пагадненне аб гарантыях бяспекі для Украіны не адмяняе намер Кіева ўступіць у НАТА.-0-
