22 сакавіка, Мінск /Кар. БЕЛТА/. Вучоныя заявілі: мутацыі брытанскага штама каранавіруса сталі прычынай цяперашняй хвалі эпідэміі ва Украіне і ўсё частага выяўлення паўторна інфіцыраваных людзей. Аб гэтым паведамляе РБК-Украіна са спасылкай на старонку Інстытута малекулярнай біялогіі і генетыкі НАН Украіны ў Facebook.
Вучоныя секвеніравалі 17 узораў, адабраных у хворых з Івана-Франкоўска і двух - з Кіева. Ва ўсіх узорах выяўлены новыя мутацыі брытанскага штама. Паводле даных даследчыкаў, яны адрозніваюцца ад папярэдніка, выяўленага ў Лондане ў снежні 2020 года, крытычнымі змяненнямі ва ўчастках віруса, якія адказваюць за хуткасць яго размнажэння ў клетцы і рэактыўнасць імуннай сістэмы чалавека.
Дырэктар Інстытута малекулярнай біялогіі і генетыкі НАН Украіны, акадэмік Міхаіл Тукала заявіў: "Можна гаварыць аб вельмі небяспечнай тэндэнцыі замены папярэдніх штамаў каранавіруса, якія цыркулявалі ва Украіне восенню-зімой і на якія ўкраінцы перахварэлі ўжо, на новыя штамы "брытанца", што муціравалі.
Прадстаўнікі СААЗ згадзіліся з вывадамі даследаванняў наконт трэцяй хвалі захваральнасці, выкліканай новым для Украіны штамам каранавіруса, а таксама перасцераглі аб з'яўленні іншых, яшчэ больш небяспечных штамаў, якія пачалі фіксаваць у суседніх краінах Еўропы.
Раней ва Украіне пашырылі "чырвоную" зону да сямі рэгіёнаў. У гэту зону трапіў і Кіеў, дзе з 20 сакавіка дзейнічае строгі каранцін.
Паводле апошніх даных Універсітэта Джонса Хопкінса, за ўвесь час пандэміі ва Украіне выявілі 1 604 183 выпадкі заражэння каранавірусам, адзначаны 31 677 смяротных.-0-