4 студзеня, Мінск /Кар. БЕЛТА/. Новы варыянт каранавіруса выяўлены на поўдні Францыі, паведамляе ТАСС са спасылкай на аўстрыйскую газету Heute.
Паводле даных газеты, невядомы штам выяўлены ў падарожнікаў з Камеруна, якія вярнуліся ў Францыю. Эксперты не выключаюць, што ўзбуджальнік гэтага варыянта віруса распаўсюджаны ў гэтай афрыканскай краіне. Тэсты выявілі ва ўсіх заражаных "атыповую камбінацыю мутацый", піша выданне. Новы варыянт атрымаў абазначэнне B.1.640.2 і быў выяўлены медыкамі Марсэля. Французскія вучоныя гавораць, што ў новым варыянце выяўлена 46 мутацый. Узровень пагрозы гэтага штама невядомы.-0-