3 чэрвеня, Мінск /Кар. БЕЛТА/. Амерыканская кампанія Microsoft прадставіць 24 чэрвеня новую версію аперацыйнай сістэмы (АС) Windows, перадае ТАСС са спасылкай на агенцтва Bloomberg.
Паводле слоў прадстаўнікоў кампаніі, у новай АС зменены дызайн, прадугледжаны дадатковыя магчымасці для распрацоўшчыкаў у магазіне дадаткаў Microsoft Store і больш простыя спосабы ўзаемадзеяння карыстальнікаў.
Праграмнае забеспячэнне спачатку будзе распаўсюджана сярод так званых інсайдараў Windows - людзей, якія пасля прэзентацыі змогуць падаць заяўку на ўдзел у тэсціраванні праграмнага забеспячэння. Bloomberg адзначае, што выхад новай версіі на рынак чакаецца восенню бягучага года.-0-