6 кастрычніка, Мінск /Кар. БЕЛТА/. Уладальнікамі Нобелеўскай прэміі ў галіне фізіялогіі і медыцыны 2025 года сталі Мэры Брункаў, Фрэд Рамсдэл і Шымон Сакагучы. Аб гэтым паведамляецца на афіцыйным сайце прэміі.
У прэс-рэлізе, апублікаваным на сайце прэміі, гаворыцца, што лаўрэаты гэтага года зрабілі наватарскія адкрыцці адносна перыферычнай імуннай талерантнасці, якая прадухіляе нанясенне шкоды арганізму з боку імуннай сістэмы. Адзначаецца, што іх адкрыцці заклалі аснову для "новага напрамку даследаванняў і стымулявалі распрацоўку новых метадаў лячэння аўтаімунных захворванняў і раку". Акрамя таго, даследаванні дапамагаюць прадухіляць сур'ёзныя ўскладненні пасля трансплантацыі стваловых клетак.
Брункаў, Рамсдэл і Сакагучы ідэнтыфікавалі абаронцаў імуннай сістэмы - рэгулятарныя Т-клеткі, якія кантралююць сілу і працягласць імуннага адказу. Гэтыя адкрыцці таксама прывялі да распрацоўкі патэнцыяльных метадаў лячэння, якія цяпер праходзяць клінічныя выпрабаванні.
У мінулым годзе ўладальнікамі Нобелеўскай прэміі ў галіне фізіялогіі і медыцыны сталі амерыканскія біёлагі Віктар Амбрас і Гэры Раўкан за адкрыццё малекул мікраРНК, якія рэгулююць работу генаў. Адзначалася, што прарыўное адкрыццё Амбраса і Раўкана "раскрыла зусім новы прынцып рэгуляцыі генаў, які аказаўся прынцыпова важным для шматклетачных арганізмаў, у тым ліку людзей".
У 2023 годзе ўладальнікамі Нобелеўскай прэміі ў галіне фізіялогіі і медыцыны сталі венгерскі біяхімік Каталін Карыко і амерыканец Дру Вайсман "за іх адкрыцці ў галіне мадыфікацыі асноў нуклеінавых кіслот, што дало магчымасць распрацаваць эфектыўныя мРНК-вакцыны ад COVID-19".
З 1901 па 2024 год былі прысуджаны 115 нобелеўскіх прэмій у галіне фізіялогіі і медыцыны. Самым маладым уладальнікам Нобелеўскай прэміі ў галіне фізіялогіі і медыцыны стаў канадскі фізіёлаг, адзін з адкрывальнікаў гармону інсуліну Фрэдэрык Бантынг, якому на момант уручэння прэміі ў 1923 годзе быў 31 год. Найстарэйшым лаўрэатам стаў 87-гадовы Пэйтан Раус, якому ў 1966 годзе была прысуджана ўзнагарода за адкрыццё анкагенных вірусаў.
У гэтым годзе 7 кастрычніка будзе аб'яўлена аб рашэнні Нобелеўскага камітэта па фізіцы, 8 кастрычніка - па хіміі, 9 кастрычніка - па літаратуры, а 10 кастрычніка ў Осла назавуць лаўрэата прэміі міру. Уладальнік прэміі па эканоміцы памяці Альфрэда Нобеля, заснаванай Дзяржаўным банкам Швецыі ў 1968 годзе, вызначыцца 13 кастрычніка.-0-
У прэс-рэлізе, апублікаваным на сайце прэміі, гаворыцца, што лаўрэаты гэтага года зрабілі наватарскія адкрыцці адносна перыферычнай імуннай талерантнасці, якая прадухіляе нанясенне шкоды арганізму з боку імуннай сістэмы. Адзначаецца, што іх адкрыцці заклалі аснову для "новага напрамку даследаванняў і стымулявалі распрацоўку новых метадаў лячэння аўтаімунных захворванняў і раку". Акрамя таго, даследаванні дапамагаюць прадухіляць сур'ёзныя ўскладненні пасля трансплантацыі стваловых клетак.
Брункаў, Рамсдэл і Сакагучы ідэнтыфікавалі абаронцаў імуннай сістэмы - рэгулятарныя Т-клеткі, якія кантралююць сілу і працягласць імуннага адказу. Гэтыя адкрыцці таксама прывялі да распрацоўкі патэнцыяльных метадаў лячэння, якія цяпер праходзяць клінічныя выпрабаванні.
У мінулым годзе ўладальнікамі Нобелеўскай прэміі ў галіне фізіялогіі і медыцыны сталі амерыканскія біёлагі Віктар Амбрас і Гэры Раўкан за адкрыццё малекул мікраРНК, якія рэгулююць работу генаў. Адзначалася, што прарыўное адкрыццё Амбраса і Раўкана "раскрыла зусім новы прынцып рэгуляцыі генаў, які аказаўся прынцыпова важным для шматклетачных арганізмаў, у тым ліку людзей".
У 2023 годзе ўладальнікамі Нобелеўскай прэміі ў галіне фізіялогіі і медыцыны сталі венгерскі біяхімік Каталін Карыко і амерыканец Дру Вайсман "за іх адкрыцці ў галіне мадыфікацыі асноў нуклеінавых кіслот, што дало магчымасць распрацаваць эфектыўныя мРНК-вакцыны ад COVID-19".
З 1901 па 2024 год былі прысуджаны 115 нобелеўскіх прэмій у галіне фізіялогіі і медыцыны. Самым маладым уладальнікам Нобелеўскай прэміі ў галіне фізіялогіі і медыцыны стаў канадскі фізіёлаг, адзін з адкрывальнікаў гармону інсуліну Фрэдэрык Бантынг, якому на момант уручэння прэміі ў 1923 годзе быў 31 год. Найстарэйшым лаўрэатам стаў 87-гадовы Пэйтан Раус, якому ў 1966 годзе была прысуджана ўзнагарода за адкрыццё анкагенных вірусаў.
У гэтым годзе 7 кастрычніка будзе аб'яўлена аб рашэнні Нобелеўскага камітэта па фізіцы, 8 кастрычніка - па хіміі, 9 кастрычніка - па літаратуры, а 10 кастрычніка ў Осла назавуць лаўрэата прэміі міру. Уладальнік прэміі па эканоміцы памяці Альфрэда Нобеля, заснаванай Дзяржаўным банкам Швецыі ў 1968 годзе, вызначыцца 13 кастрычніка.-0-
Падпісвайцеся на нас у
